By Bester glo ons in die belangrikheid daarvan om kwaliteit mense te lok. Mense is immers die hart en siel van ons besigheid. 'n Loopbaan by Bester is sonder twyfel die geleentheid van 'n leeftyd!

Dit is meer as net om vir 'n dinamiese, groeiende maatskappy in 'n pragtige omgewing te werk; dit is die kans om deel te wees van 'n lewenskragtige span waar jou idees en insette waardeer word en waar jy die geleentheid het om tot iets groots by te dra en jou volle potensiaal te ontwikkel. Ons is voortdurend op soek na energieke voorvatters om by ons span aan te sluit. Elke persoon wat by Bester Voer & Graan werk, word noukeurig gekies om by die Maatskappy se kultuur in te pas.

Daar is 'n wye reeks geleenthede beskikbaar vir dinamiese, goed gekwalifiseerde individue. Van handel tot finansiële administrasie, logistiek tot besigheidsadministrasie, bied Bester uitdagings en geleenthede om by jou aspirasies, vaardighede en kwalifikasies te pas.

Die werknemers en hul kundigheid is ons maatskappy se grootste bates. Daarom streef ons nie net daarna om die regte werknemers te lok nie, maar ook om hulle te behou. Dit word gedoen deur opleidings- en loopbaanontwikkelingsgeleenthede aan te bied, 'n positiewe organisasieklimaat te skep en prestasie te beloon.

Indien jy die eienskappe het wat by die Bester-profiel pas, stuur gerus jou CV na careers@bexgroup.co.za.